احكم انت

لكل انسان عين ومــــــــرآه
أما العين فحكم الإنسان على نفسه
وأما المـــــــــرآه فحكم الناس عليه

دعوت الله أن أموت !!! فجاء الرد

لا أدرى  من أين أبدء
لا أدرى كيف  أتكلم
ماذا عساى ان أقول عن فترة
 كان الحزن ردائى بل كان الهم كسائى
تظهرت بالسعادة وانا أتعس الناس
تظهرت بالفرح والسرور وأنا المهموم المحزون
لأجل كل هذا دعوت الله
تارة أدعوا  الله ان يوفقنى الى عمل خير ويقبضنى عليه
وتارة أدعوا الله ان يميتنى اذا كانت الوفاة خيرا لى
او يحيينى اذا كانت فى الحياة الخير
وتارة تتجدد الآمال فأدعوا الله ان يسعدنى
كنت أسير فى الطريق وأتمنى لو أتعرض لحادث سياره
كنت اجلس وحدى وأتمنى الموت ولا أجده
لدرجة أننى تعقدت من الزغاريد
وكانت المفاجـــــــــــــــــــــــأة
جاء الرد نعم جاء الرد
أجابنى ربى ثلاث مرات كلها تؤدى نفس الغرض
وانا راكب العربيه انقلبت بينا والعربيه اتهشمت
بس طلعت منها سليم والعجيب انى كنت ماسك مصحف فى ايدى
المصحف ماتقفلش ولا وقع من ايدى حتى نظارتى مانكسرتش
فقلت فى نفسى سبحان الله!!!
وبعدين وانا نايم شفت نفسى باقرأ سورة الكهف
وطبعا انا مش فاهم معنى الرؤيا ايه
المهم رجعت لكتاب (تفسير الاحلام ) فاكتشفت
إن اللى يقرأ سورة الكهف فى المنام
نال الامانى وطال عمره حتى يمل الحياة
فقلت فى نفسى سبحان الله!!!
كمان وانا نايم شفت احد اقاربى رحمهم الله وهوسعيد جدا
وكمان جه وأكل عندنا وطبعا انا مش فاهم حاجه
رجعت للكتاب على طول فاكتشفت ان سرور الميت دليل
على حسن حالى عند ربنا وإن أكل الميت دليل على طول حياتى
طبعا حمدت الله على ذلك لكن حزنت لطول حياتى

فكر مع ميتوموون

لغز بسيط من ألغازى المعروفه
معانا أربع تسعات(9 9 9 9)
عايزين يبقى الناتج مائه
وليكم جميع الحلول
يعنى ممكن الضرب أو الطرح أو الجمع او القسمه
أو تستخدم وسيلتين مع بعض () مافيش مشكله
المهم ماتستخدمش الرقم مرتين

عمرك فى يوم

نبضات بل همسات بل آآآهاااات من القلب
وإن شاء الله ماتكونش مجرد كلام
بل من الوجدان إلى الوجدان
((عمرك فى يوم حاولت انك تسعد الناس اللى معاك
حتى ولو على حساب سعدتك واللا انت انانى مش بتحب الا نفسك
طيب عمرك فى يوم قعدت مع نفسك بهدوء
واعترفت قدام نفسك على الأقل بإنك أخطات فى حق
 ناس كتيرمن غير ماتعتزر ليهم
طيب عمرك فى يوم  حبَات  بجد
واللا حبك مجرد مصلحه هاتقضيها مع واحده
أو مجرد عاطفه شدَتك لواحده وبعد شويه تنتهى
أو مجرد وقت بتقضيه مع واحده (تسالى يعنى )
أو مجرد تجربه مع واحده وتشوف تنفع واللا ماتنفعش
ياترى يبقى ده حب
ياترى يبقى انت عرفت يعنى ايه حب اصلا
طيب لو انت واحد من النماذج اللى فاتت
ياترى ده يبقى صح
الحب الحقيقى مش مجرد كلام مش مجرد إعجاب
الحب الحقيقى تضحيه وإخلاص وتقدير وإحترام
طيب عمرك فى يوم عشت فى هم وحزن وغم
وبتوهم الكل انك سعيد وانت من جواك تعيس
طيب عمرك فى يوم ضحَيت عشان اللى بتحبهم 
رغم انهم مايستحقوش
طيب عمرك فى يوم وقفت قدام المرايه وقلت نفسك
ياترى انا مين ياترى انا صح 
 ياترى انا فاهم ولا انا فى غيبوبه 
عمرك فى يوم بكيت بكيت كتير كتير
من كثرة المشاكل اللى انت واجهتها
من كثرة التضحيات اللى انت قدمتها على الفاضى
من كثرة سوء فهم الناس اللى معاك ليك(سوء ظن)
طيب عمرك فى يوم حاولت تعمل عمل خير
ماحدش يعرفه غير ربنا واللا انت بتحب الظهور
عمرك فى يوم حاولت تعوض أهلك
 عن كل غلطه غلطَها فى حقهم
عن كل دمعه نزلت من عيونهم بسببك
عن المعانه اللى عانوها معاك وانت صغير
واخيــــــــــــــــــــــراً
عمرك فى يوم وقفت تصلى لربنا
ونعترف ليه بخطأك وتقوله سامحنى
أنا عصيتك وانت سترتنى
انا عصيتك وانت أمهلتنى
أنا فرحت الشيطان وزعلتك
أنا زعلت رسولى حبيبى منى وفرحت اعدائك
ياترى ممكن تقبلنى يارب
ياترى ممكن تسامحنى يارب
ياترى ممكن تغفرلى يارب
أنا عارف يارب انك هاتقبلنى
(ومن يعمل سوءاً أو يظلم نفسه ثم يستغفر الله يجد الله غفوراً رحيماً)
أخيراً أقول
 عمرك فى يوم حسَت انك عايش عمرك صححححححححححح
ماتنسوش ده مش مجرد كلام
                       ده من الوجدان الى الوجدان

انتبه الله يتكلم

عجز الكلام أن يصل الى اللسان

فجأه اكتشفنا انه تعبان والمشكله ان التكاليف كتيره قوى
والامكانيات شبه معدومه
المهم انه كان صابر وراضى بقضاء الله قوى
تتصوروا كان لازم يصلى فى المسجد حتى الفجر!!!
 رغم تعبه الشديد
تتصوروا كان لازم يصوم رمضان!!1
 رغم ان الدكتور منعه من الصيام
استمر على الحاله دى لمدة سنتين تقريباً
كل ماتبص ليه كأنك ترى رجل من الجنه
كل ماتبص ليه وهو ماشى بالعافيه للجامع
تبقى الدمعه تفر من عينك
المرض كان بيشتد شويه بشويه
وهو صابر!!!
أنا باأكلمكم عن أبى الذى لم ينجبنى
أنا باأكلمكم عن والد صاحبى الذى لم تلده امى
أنا باأكلمكم والدموع عارفه طريقها
فى حالت كتيره بيعجز اللسان عن الكلام
بس فى الحاله دى
عجز الكلام ان يصل إلى اللسان
بابا واللى افتخر انى أقول عليه بابا
دخل رمضان عليه وقرر انه يصوم
وكان معلق صور أجداده فى البيت
كل صوره مكتوب عليها تاريخ الميلاد والوفاه
بص لصورته هو وقال..........
فى تاريخ قريب هاينكتب على الصوره دى
طبعا ًقصده  معروف
المهم اشتد التعب بعد رمضان اللى صامه
وكان الكل فاكر انه شوية تعب زياده
زى كل مره 
الا  هووووووووو!!!
لما تعب فى المره دى قال انا
مش هاقوم منها...قلبه حاسس
دخل المستشفى وقعد فتره
ودخل فى أكتر م غيبوبه
وقل مايفوق يقول انا عايذ أصلى
طبعاً كان الكل حزين
على الحاله اللى وصلها
فجأه فاق واتكلم مع أولاده
وافتكروا انه بقى كويس
وفى يوم الجمعه
وقت الصلاه يموت
مات بعد مانطق الشهاده
يااااااااااااااااااااااااااااااه
ياترى فى الحاله دى ممكن الواحد يقول ايه
أقول ايه على رمز مش مجرد شخص
أقول ايه على واحد عاش مكافح طول عمره
عاش فى هدوء عاش وهو متواضع
رغم مكانته الكبيره عند الناس كلها
تتصوروا الجنازه كانت خياليه
الزحام الرهيب
البكاء الغزير
جنازه قلما تراها فى حياتك
وانا ماشى فى الجنازه
لقيت اتنين بيكلموا بعض
بيقولوا لبعض
الناس دى كلها عشان بيحبوه بجد
اصله ميت شهيد
اللى أنا عايذ أقوله
ايه شكل الحياه بعده
ايه طعم الدنيا من غيره
ياترى ممكن الواحد يبقى سعيد من بعده
ياترى ممكن الواحد يفتكره ومايبكيش
ياترى ممكن نشوف زيه تانى
الله يرحمه
نسيت أقول
انه جه فى الرؤيا
بعد وفاته وهو بيحججججججججج

أنا مووووووووووون

ان تدخلنى ربى الجنه

ياخراااشى الحقونى كانوا هايسرقونى

تتصوروا انى اتعرضت للسرقه 3 مرات
فى الفتره الاخيره
وطبعا كلها محاولات لسرقة موبايلى
حبيبـــــــــــــــــــــى
أول مره ........
كنت انا وبابا وماما ومودى
ولسَه هاركب العربيه
وبعدين حصل ايه ياترى
انا كنت لابس هدوم واسعه
يعنى سهل اتسرق قوى
مش كده ولا ايه
المهم كنت عامل حسابى اطمن على الموبايل
كل شويه
أول العربيه ماوصلت
دخلت انا الاول العربيه
ولسَه بشوف الموبايل
مالقتهوش فى جيبى
قلت ل بابا
يا بابا
يا بابا
موبايلى وقع
بابا بيبص يشوف الموبايل فين
وكانت المفأجاه الكوميديه
تصوروا معاى الوضع ده!!!
انا واقف على باب العربيه
وبعدين الحرامى
وبعدين بابا
يعنى الحرامى بينى وبين بابا
هههههههههههههه
المهم اول ماالحرامى سمعنى 
ادانى الموبايل على طول
على أساس انه لقاه على الارض
طبعا اللى أكد لينا إنه حرامى
انه مشى بسرعه وماركبش اصلا
واحنا خدنا الموبايل 
لانه مالحقش يقفله
كل اللى اقدر أقوله
(فالله خير حافظاًوهو أرحم الراحمين)
تانى مره.........
كنت لابس شنطه صغيره على جنبى
ولسَه باركب
وكانت زحمه رهيبه
فاكتشفت حاجه غريبه قوى
ان اللى ركب قدامى
ماسك فى الباب بإيده
ومنعنى من الدخول
انا طبعا ماكنتش واخد بالى
انى بتسرق
ليــــــــه
الشخص اللى قدامى شيك جداً
مش شكله حرامى يعنى
المهم انا استغربت انه ركب قبلى 
وفى نفس الوقت مادخلش ومنعنى من الدخول
كمـــــان
اتارى الحرامى بيعمل ايه
منعنى انى أدخل بإيده 
عشان فى نفس اللحظه 
يسرقنى بإيده التانيه
لانى لو قعدت على الكرسى 
مش هايقدر يسرقنى
الصراحه تتقال 
إيداه خفيفه جدا
المهم ربنا أنقذنى
لما لقيته منعنى من الدخول
ببص عليه
لقيت ايده فى شنطتى
روحت ماسك إيده وهى فى شنطتى
وطبعا قعدت أقول
حرامى حرامى
راح ماشى بسرعه
واكتشفنا انهم مجموعه مع بعض
وسرقوا أكتر من واحد
بلغنا عنهم الشرطه
كل اللى اقدر أقوله
(فالله خير حافظاًوهو أرحم الراحمين)
تالت مره...............
وأخطر مره
تقدروا تقولوا عليها نصب
كنت ماشى فى الشارع 
وواحد راكب عربيه محترمه
جه جنبى وقالى لو سمحت
ممكن الموبايل أعمل مكالمه
عشان رصيدى خلص
وانا بحسن نيه
وافقت على طول
بس كنت عامل حسابى
أمسك فى العربيه
لأنه راكب وانا لاء
المهم انه
بمجرد ماخد الموبايل
وهمنى انه
هايركن على جنب
وراح ماشى بسرعه
افتكر انه
هايجرى منى
مايعرفش انى (ميتو موون)
الحرامى بيجرى بالعربيه
وبيبص لقانى ماسك فى العربيه وبجرى معاه
وطبعا انا سرعتى
بتزيد خصب عنى
لانى ماسك فى العربيه
الحرامى كان مذهول
وبدء الخوف يظهر عليه
لانه كمان ماشى على طريق مخالف
لما الحرامى
لقى الوضع مش فى صالحه
وانى ممكن اتعور واجيبله مصيبه
هو فى غنى عنها
قالى خـــــــــــــــــلاص
خد موبايلك
وراح سايب الموبايل ليَه على طول
وانا سبت العربيه
ووقعت طبعاً
والحمد لله ربنا ستر
كدمات بسيطه
وخفَات منها
كل اللى أقدر أقوله
(فالله خير حافظاًوهو أرحم الراحمين)

جانا العيد

هل هلال العيد
أصله كل عام فى نفس المواعيد
أحب أقول لكل زوارى
كل عيد والكل سعيد
كل عيد والحب يزيد

كل عيد وانتم طيبين
كل عيد وانتم لبعض مشتاقين
كل عيد وانتم فى الله متحابين

مش لأنهم قالولى لأنهم افتكروتى

فى ليلةعيد ميلادى كنت قاعد بفكر
 ياترى حد فاكرنى!!!
ياترى حد مهتم بيَه!!!
ياترى حد حاسس بيَه!!!

وحصلت المفاجئه.......
بابا وماما واختى كلمونى وقالولى :
(كل سنه وانت طيب)
فرحت قوى قوى قوى !!
مش لأنهم قالولى لأنهم افتكرونى.
وبعديـــــــــــــن
حصلت المفاجئه الكبيره؟؟؟
ياترى ايـــــــــــه
فى يوم ميلادى
فاجئنى (مودى )أخويا(أعز ماليَه)
بمفاجئه جميله قوى
لكن الحقيقه كانت مفاجئه متوقعه
لسبب بسيط جداً
انها من موووووووووووودى
لقيت مودى مجهزليَه
(تورتــــــــه)
شكلها جميل جداً
شكرته كتير كتير
وأحب أقله وانا عارف انه بيقرأ كلامى دلوقتى
إذا عجز اللسان عن العرفان.
فاعلم أن جميلك بالوجدان.
ويارب تكون بألف صحه يافنان..

حكمة اليوم

كن لله كما يريد يكن لك فوق ماتريد

لسَه بكرامتى

فى يوم من الايام قابلت ( كوكو ) وكان بيحب ( مشمشه ) قوى
ومدلوق عليها زياده عن اللزوم  .قلت ياكوكو ماينفعش كده 
ده غلط هاتضيع نفسك فى الدنيا والاخره 
قالى لاء انا بحبها بجد ومش باقضى وقت وخلاص زى باقى الشباب 
رغم إنه لسه ماعرفهاش قوى !!!!!!
المهم  كوكو ماسمعش الكلام .
مرت الايام والليالى 
مرت أسابيع وشهور 
وبعديـــــــــــــــــــــــــــــن 
قابلته تانى 
عرفته وعرفنى 
بس ماكلمتوش على طول
المهم انى عرفت إن مشمشه نفضت ليه 
قلت ليه ياكوكو مش أنا قلت ليك الكلام ده من أول
قالى بس الحمد لله أنا طالع سليم
قلت ليه ماأنا عارف
بس كنت خليك بكرامتك أحسن
مفاجئـــــــــــــــــــه
تتصوروا كوكو بقى ايه دلوقتى
مرت الايام والليالى 
مرت أسابيع وشهور 
وبعديـــــــــــــــــــــــــــــن 
قابلته تانى 
وكانت المفاجئه الحلوه
كوكو بقى ملتزم بقى ملتحى
بس فى مشكله
إنه بقى بيكره البنات قوى قوى
الله يسامحها مشمشه
ده جزاء اللى مايسمعش كلام بابا وماما
قصدى كلام (ميتو موون)
وقعت احداث هذه القصه فى2008