كلنا بنحب

كنت طالع المكتب لقيت عمى رزق عامل السيراميك بيكلم 

فى الموبايل .قلت ليه ايه ياعم رزق انت بتحب ولا ايه بص وقالى:

(كلنا بنحب) فكرت فى الكلمه وبصراحه عجبتنى 

عجبتنى لأنها واقع بنعيشه .مافيش حد الا ولازم يكون بيحب

(ولولا الحب ماالتف الغصن على الغصن)

ومش شرط يكون حب واحد لواحده 

الموضوع  اكبر من كده  بكتير يبدأ بحب ربنا وينتهى بحب النفس

بس طبعا معظم قصص الحب بتبقى بين واحد وواحده

وفى الحقيقه كان فى قصه حصلت لناس اصدقائى كنت حابب تعرفوها

واحنا طبعا مش بنحكى وخلاص احنا بنحكى عشان نتعلم 

بنت من البنات كانت بتحب ولد بجد والولد اصغرمنها

بحوالى سنتين بس شكله اكبر منها 

الولد محترم جدا وكمان البنت بس كان حب غلط طبعا

مش عشان هى اكبر منه لكن عشان هو طالب لسه بيدرس

عشان أمره مش فى إيده عشان أهله رافضين الموضوع تماما

وطبعا هددوه انه مش هايقعد فى الشقه انه مش هايكمل تعليمه

عشان كده كان حب مصيره الفشل وطبعا عشان الحب كان صادق 

البنت كانت متأثره جدا لدرجة انها دخلت المستشفى 

والولد الله أعلم بحاله وطبعا احنا ياما قاعدنا ننصح 

وماحدش سمع كلامنا بس الحمد لله بدءت البنت تفكر صح

وتدوس على قلبها وتفكر بعقلها وعرفت ان الموضوع فاشل تماما

فقررت انها تتخطب واتخطبت بسرعه وسبحان الله اتخطبت لواحد

بيحبها بقاله سبع سنين يعنى ربنا كرمها بالانسان اللى بيحبها بجد 

والاهم انه دخل البيت من بابه والحمد لله نوعا ما البنت بتنسى

الماضى وقسوته وبتتفائل بالحاضر وحلاوته

وتمت الخطوبه السعيده وانا من هنا من مدونتى بتمنى ليهم

التوفيق ودوام المحبه والالفه ويارب يجعل ايامهم كلها هنا

دى كانت قصه من قصص الحب 

ياترى ممكن نحب وننجرح وبعدين نحب تانى

ياترى ممكن ننخدع ونتظلم  ونحن تانى

ياترى ممكن نساعد الشخص اللى بنحبه ونرجعله تانى

ياترى ممكمن الحب يقتل صاحبه او يسعده

ياترى ممكن الحب يكون فعلا حب 

فى قصص كتير حب تخليك تحب الحب وقصص تخليك تكره الحب

بس الاكيد كل الاكيد ان (كلنا بنحب)

اخيرا أقول :

مالحب الا كلمة****** أولها حياة وآخرها بكاء

فاخذى الحياة واهنئى بيها

                             واحذرى البكاء فإنه فى الطريق جليسا

بنت ب((ميت))راجل!!!!!!

احترت كتير وفكرت كتير فى العنوان
بتاع الموضوع بتاع النهارده
ياترى أسميه ايه . وأخيراً قررت أن يكون العنوان
بنت ب ميت راجل
أنا قلت ليكم قبل كده إن لى أخوات لم تلدهم أمى
ولكن ولدتهم الايام
من خلال حكاية النهارده هاتعرفوا قد ايه معنى الاخوه بجد
انا باأكلمكم النهارده عن بنت  مازالت فى المرحله الجامعية
نعم هى صغيره فى السن لكنها كبيره فى المقام
مرض والدها منذ فتره بعيده بالكبد ومع مرور الايام
تدهورت حالته وازدادت سوءاً والجميع مترقب للموقف
ماذا يفعلون؟ ماذا يقدمون له؟الكل حزين مهموم
لاتوجد امكانيات كفايه
فى الوقت الذى تزاد المصاريف بصوره مخيفه
الفلوس لاتعنى شيئاً فقد أصبح الامر خطيراً
 تخطى كل العقول
أصبح العلاج غير مؤثر (بلا جدوى)
ماالحل ؟ كيف نتصرف؟
أصبح الكل فى ورطه. لماذا ؟

لأن الحل الوحيد الان هو (زراعة الكبد )
ياالله ياالله يالله
التكاليف تصل الى نصف المليون جنيه
وعلاوه على ذالك . من الذى سيتبرع ؟
لاتوجد اموال . لايوجد متبرع. كما أن الكل خائف 
فنسبة نجاح العمليه ضئيله جداً
أصبح الحزن والغم والهم والبكاء هو المسيطر على الجميع 
ماذا يفعلون  ؟؟؟؟؟؟؟؟؟ 
لكن الله كريم .لكن الله رحيم .لكن الله مجيب.
كانت الثقه عاليه جدا وكان والد أختى هذه متأكد أن الله سيشفيه؟
حقا(انا عند حسن ظن عبدى بى فليظن بى ماشاء)
قامت الزوجه وجميع الاولاد تجاه والدهم
الكل يريد ان يتبرع بكبده لوالده
قاموا بإجراء التحاليل وكانت المفاجأه
تحليل الزوجه غير متلائم مع زوجها
قامت البنت(اختى) على الفور باإجراء التحاليل فكانت ايجابيه
وقررت أن تتبرع لوالدها !!!!!!!!!!
ياالله كيف تتبرعين؟ مازلت فى الفرقه الاولى من الجامعه
ياالله كيف ستنجحين فى الامتحانات؟
ياالله كيف سيكون حالك بعد العمليه؟ماذا عن مستقبلك؟
لم تفكر أختى فى كل هذا . فكرت أن تنقذ والدها ولو بروحها
حاول الجميع ان يجعلها تتراجع.  لكنها أصرت !!!!!
وسبحان الله العظيم جاءت الاموال من العديد من الجهات
حتى اكتملت بل زادت عن الحد المطلوب للعمليه
ربنا كريم  قوىىىىىىىىى.
حان وقت العمليه والكل مترقب . الكل خائف .

ولا انسى ان أشكر الزوجه الصابره الصامده
التى عاشت لحظات لايعلمها الا الله
زوجها وابنتها فى العمليه . ولا تدرى
ماذا ستكون النتيجه؟
استغرقت العمليه ساعات طويله والجميع فى صالة الانتظار 
انتهت العمليه بنجاح والحمد لله
أفاق الوالد بعد ايام ليسئل عن بنته الوحيده فليس لديها أخت
كما هو حال البنت (أرأيتم كيف يكون الحب )
سألت عن أبيها وعلمت أنه بخير .
هل انتهى الامر؟
لالالالالالالالالالالا
بل خرجت البنت من العمليه  وقد حان موعد الامتحانات
لتؤدى الامتحانات وليس لها الا الله
وكانت المفاجأه (نجحت فى الامتحانات)
(هل جزاء الاحسان الا الاحسان) صدق الله
بدأت الحياه تعود الى البيت الحزين من جديد
ورجع الوالد الى عمله وهو يحكى بأعلى صوت
لكل اللى يعرفهم عن فضل ربنا عن بنته عن زوجته عن اولاده
حقا انها معجزه فى زمن قلت فيه المعجزات
اخيرا أقول أنا آسف
نعم آسف لانى لم أجد عنوان لحكايتى غير هذا العنوان
كل الشكرلأختى العزيزه
واكررررررررررررررر
رب اخت لم تلدها لك ام ***** ولكن ولدتها الايام

عمرى ماهنسى

عمرى ماهنسى لما كنت طفل فى الابتدائى
 وفى سنه من سنوات الدراسه اصحابى عدلوا فى درجاتهم
وقابلنى واحد من الاعزاء علىَ
وقالى تلاقيك عملت زيهم وشك فىَ !!!بس انا مسامح.

عمر ماهنسى لما جت فتره علىَ وانا صغير
 كنت كل سنه اتعب فى نفس التوقيت تقريباً
كانت عندى حمى شديده شويه وكل اللى حوالىً يبكوا وزعلانين على !
خايفين لأموت
طبعاًعمرى ماهنسى وقفتهم جنبى عمرى ماهنسى بكائهم على
 َوأحب أقول لكل واحد فيهم
ماتبكيش علىَ يانور عنيَه أصل بكائك علىَ هايزود بكائى شويه
ومابحبش حد يشوف الدموع فى عنيَه
عشان لأصعب عليه ولا يزعل عليَه

عمرى ماهنسى لما مالحقتش الكليه اللى انا عايزها على حاجات بسيطه

 وطبعا زعلت
لكن ربنا عوضنى فى كليتى وجعلنى من الاوائل (الحمد لله)

عمرى ماهنسى كل واحد من اصحابى كان صاحب بجد كان اخ بجد
 كان بيحبنى بجد
حب بصدق مش حب مصالح ولا مطامع

عمرى ماهنسى كل بنت عرفتها وكانت اخت ليهَ
 وبصراحه كل اللى أقدر أقوله ليهم
انتم اخوتى بل أكثر ورب أخت لم تلدها لك أم ولكن ولدتها لك  الايام

عمرى ماهنسى المشاكل الكبيره اللى تضيع بلد على بعضيها ورغم ذلك
وقفنا انا وبابا وكل اخواتى قدمها لحد لما ربنا كرمنا واتحلت 

عمرى ماهنسى شخص عزيز عندى وقف جنبى كتير
 مش هانسى فضله علىَ
مش هانسى مساعدته ليهَ فى شغلى وفى تعبى
(جزاه الله خيرا)

عمرى ماهنسى لما حاولت أساعدهم لما حاولت أقف جنبهم 
ورغم ذلك باعوا الرخيص بالغالى وهم اللى اختاروا وأحب أقول ليهم
(إن لم تبكى على نفسك فتباكى )

عمرى ماهنسى لما وقفت جانبه لما ساعدته . الناس كلها اتخلت عنه الا أنا
الناس كلها انتقدته الا أنا ورغم ذلك يتسبب فى مشاكل كتيره لى
 بس انا مسامح

عمرى ماهنسى لما وقفت وقلت ليه انت عايذ تدمر سعادتى ليه ؟!
قالى مايهمنيش
بكيت كتير وشعرت بالذل والهوان . بقى ده جزاتى
بقى الشخص ده يعمل كده طيب ازاى
نسى وقفتى فى جوازه  نسى وقفتى فى تعبه .بس انا مسامح

عمرى ماهنسى لما حصلت مشكله ما بينى وبينه
وقف وقالى :ابقى شوف مين اللى هاينفعك
قلت ليه النافع ربنا بس انا مسامح

عمرى ماهنسى كرم ربنا ليه بحفظى للقرآن وجعلنى من الاوائل
وأكرمنى بالتأجيل من الجيش وحاجات كتيره (اللهم لك الحمد)

عمرى ماهنسى الاعزاء علىً اللى ماتوا فى شبابهم
 واللى كنت بحبهم بجد مش هانساهم أبدا
مش هانسى كلماتهم الجميله ولامواقفهم النبيله (الله يرحمهم)
 والبقيه تأتى فيمابعد